Azken albisteak
Albisteak2022/03/22UKRAINAKO KRISIA
INFORMAZIOA ETA GOMENDIOAK
ESPARRU JURIDIKOA
Europar Batasunak pertsona desplazatuen joan-etorri masiboen kasuetarako behin behineko Babes-zuzentaraua aktibatu du.
Espainian berriz, 1325/2033 Errege Dekretuak egoera hori arautzen du eta joan den martxoaren 10ean EAOk PCM/169/2022 Agindua argitaratu zuen zeinak Ukrainako gatazkak kaltetutako pertsonen behin behineko babesa aitortzeko prozedura zehazten duen. Halaber, PCM/170/2022 Aginduak 2022ko martxoaren 8ko Ministroen Kontseiluaren Erabakia argitaratzen du, zeinaren bidez (EB) 2022/382 Gauzatze-erabakiari jarraiki Espainian babesa aurkitzen ahal duten Ukrainako gatazkak kaltetutako pertsonei emandako behin behineko babesa handitzen den.
Behin behineko babesak honako hauek eskuratzeko eskubidea aitortzen du:
- Urtebeteko egoitza baimena eta lan baimena (norbere kontura edo besteren kontura), bi urtetaraino luzagarria.
- Hezkuntza eta lan-heziketa.
- Gizarte-laguntza eta bizitoki egokia.
- Osasun arreta.
ERREFUXIATUAK HARTZEKO LEKUAK JAKINARAZTEA
Nafarroako Gobernuak Nafarroan Ukrainako Larrialdiari Arreta emateko Zentroa martxan jarri du Gurutze Gorriarekin batera. Ukrainako herritarrak hartzeko lekuak jakinarazteko eta bestelako gertakari edo kontsultetarako honako helbide eta telefonoaren bidez jar daiteke harremanetan:
Tel.: 848 421971
Lo-lekuak eta bestelakoak eskaini edota kontsultak egin nahi dituzten partikularrek ere helbide horren bidez harremanetan jarri beharko dira.
NOLA LAGUNDU
Honakoak dira lurraldean bertan lanean ari diren GGKE-ak eta toki entitateek zein partikularrek emandako laguntzak bideratzeko estekak:
GGKEen Koordinakundea https://coordinadoraongd.org/2022/03/como-apoyar-a-las-ongd-espanolas-en-ucrania/
Gurutze Gorria, Media Luna Roja entitatea eta Gurutze Gorriaren Nazioarteko Batzordea: https://www.icrc.org/es/donate/crisis-en-ucrania
OCHA (Nazio Batuen Gai Humanitarioak Koordinatzeko Bulegoa) Ukrainarentzako Funts Humanitarioaren bidez bideratutako laguntza: https://www.unocha.org/ukraine/about-uhf
UNHCR (Nazio Batuen Erakundearen Errefuxiatuentzako Agentzia): https://eacnur.org/es/crisis-ucrania?UTM_source=abtasty&utm_medium=bubble
Edozein modutan ere, dohaintzak lurraldean bertan lanean ari diren entitateei diruz egitea gomendatzen da eta ez eremura garraiatu beharreko produktuen bidez, horrek logistika arazoak sor baititzake (atal honen hasierako estekan ikusgai dagoen Gobernuaren dokumentuan azaltzen den moduan).
Halaber, eremura ez bidaiatzeko dei irmoa egin dute.
|