Albisteak

2024/02/22

LAKUNTZAKO UDALAREN KOMUNIKAZIO KANAL BERRIA

Diptikoa

Herriko informazioa jaso nahi duzu WhatsApp bidez?  

Lakuntzako Udalaren komunikazio kanal berria
Lakuntzako Udalak WhatsApp aplikazioaren mezularitza-zerbitzuaren bidez herritarrei informazioa zabaltzeko beste bide bat jarri du martxan.
Zerbitzu berri honekin, arin, azkar eta kosturik gabe, nahi duten herritarrek informazio guztiaren berri izango dute: komunikazioak, kultur programazioa, jarduerak eta bestelako udal informazioa.

Nola sartu zaitezke WhatsAppeko zabalkunde-zerrendan?

1.    Gorde kontaktuen zerrendan 672 778 598 telefonoa.

2.    Bidali whatsapp mezu bat ALTA hitzarekin.

3.    Une horretatik aurrera, udal-informazioa zabaltzeko zerrendan sartu eta WhatsAppeko mezuak jasotzen hasiko zara, komunikazioekin, kultura-programazioarekin, jarduerekin eta intereseko bestelako informazioarekin.

Zer egin BAJA emateko?

1.       Bidali WhatsAppeko mezu bat BAJA hitzarekin.

2.       Udalak ahalik eta lasterren ezabatuko zaitu zabalkunde-zerrendatik, eta komunikazioak jasotzeari utziko diozu.

Jakin beharreko informazio garrantzitsua:

·         Ez da WhatsApp talde bat, hedapen-zerrenda bat baizik. Zure telefono zenbakia administratzaileak bakarrik ikusiko du.

·         Udalaren intereseko informazioa jasotzeko prestatutako zerbitzua da hau. Mezuei eta deiei ez zaie inola ere erantzungo, ez da bi norabideko komunikazio-kanal bat izango.

·         Ez du balioko izapideak, proposamenak, kexak edo iradokizunak egiteko. Horretarako, bitarteko eta bide ofizialak erabiliko dira: 948 57 60 15 telefonoa, info@lakuntza.eus posta elektronikoa edo egoitza elektronikoa.

Datu pertsonalen babesari buruzko informazioa

·         Emandako datuen tratamenduaren arduraduna Lakuntzako Udala da. Tratamenduaren helburua: hedapen-zerrenda kudeatzea. Eskubideak: www.lakuntza.eus udal webgunearen pribatutasun politikan eta egoitza elektronikoaren gardentasun atarian eskuragarri dagoen informazio zabalduan adierazten den bezala, titularrek datuak eskuratzeko, zuzentzeko, ezabatzeko eta bestelako eskubideak erabil ditzakete. dbd@lakuntza.eus datuen babeserako ordezkariarekin ere jar zaitezke harremanetan. Edozein unetan bidali ahal izango duzu mezu bat "BAJA" testuarekin WhatsApp bidez, hedapen-zerrendan jarraitu nahi ez baduzu.